ಮನಸು ರಂಗಾಗಿದೆ ಇಂದು

ಚಿತ್ರ : ಸ್ಲಂ ಬಾಲ 


ಮನಸು ರಂಗಾಗಿದೆ ಇಂದು, ಚೆಲುವೆ ನೀ ಜೊತೆಗಿರಲು
ಆಗಸ ಅಂಗೈಯಲ್ಲಿ ಈಗ, ಏನೋ ಆವೇಗ....
ಬದುಕು ಇಂಪಾಗಿದೆ ಇಂದು, ಚೆಲುವ ನೀ ಜೊತೆಗಿರಲು
ಆಗಸ ಅಂಗೈಯಲ್ಲಿ ಈಗ, ಏನೋ ಆವೇಗ.....
ಏನೋ ಮಾಟ, ಏನೋ ಮೋಡಿ, ಬರುವುದೆಲ್ಲ ಬಂದೆ ಬಿಡಲಿ
ಗಗನದಾಚೆ ಬಯಲ ತುದಿಗೂ ಲಗ್ಗೆ ಇಡುವಾ.....
ಯಾವುದೋ ವೇಗ, ಏನೋ ಆವೇಗ..............


ಹೂವಂಥ ನಗೆ ಮಲ್ಲಿಗೆ ಮುಡಿದವಳೇ... ನಾ ಕೊಡುವೆ ಕಾಲೊಂದಿಗೆ
ನೀ ಕೊಟ್ಟ ಕಾಲೊಂದಿಗೆ, ನನ್ನೊಳಗೆ ಕನಸುಗಳ ಕಣ್ತುಂಬಿದೆ..
ಕತ್ತಲೆಯ ತೊಳೆದಂತೆ, ಬೆಳಕು ನೀ ಬಾಳಿಗೆ
ಈ ನಿನ್ನ ಕಲ್ಪನೆಗೆ, ತಾರೆಗಳ್ ಹೊದಿಸಿ ಲಾಲಿಯ ನಾ ಹಾಡುವೆ
ಪ್ರೀತಿಯೇ ನಿನ್ನಾ, ಪ್ರೀತಿಸುವೆ ಇನ್ನಾ ||ಮನಸು||


ನಿನ್ನೆದೆಯ ನಾ ಅಪ್ಪಲು, ಈ ಹೃದಯ ನವಿಲಂತೆ ಕುಣಿದಾಡಿತು
ಈ ಮಾತ ನೀ ಹೇಳಲು, ತುಟಿಯ ಸನಿಹ ಬರುವಾಸೆ ನನಗಾಯಿತು
ನೆರಳಾಗಿ ನಾನಿರುವೆ, ಜೊತೆಯಾಗಿ ಸಾಗೋಣ
ಸಾಗುವ ಈ ದಾರಿಯಲಿ ನೂರೆಂಟು ನೆನಪಿನ ಬುತ್ತಿಯ ಕಟ್ಟೋಣ ಬಾ......
ಪ್ರೀತಿಯೇ ನಿನ್ನಾ, ಪ್ರೀತಿಸುವೆ ಇನ್ನಾ ||ಮನಸು||