ಎಡಕಲ್ಲು ಗುಡ್ಡದ ಮೇಲೆ

ನಿಲ್ಲೇ ಪತಂಗ ನಿಲ್ಲು ನಿಲ್ಲೇ ಪತಂಗ

ಬೇಡ ಬೇಡ ಬೆಂಕಿಯ ಸಂಗ ||ಪ||

ಕಾಣದ ಜ್ವಾಲೆ ಕಾಮದ ಲೀಲೆ
ಕಾಡುತ ಹಾಡಿದೆ ಕಣ್ಣುಮುಚ್ಚಾಲೆ
ಕ್ಷಣಿಕದ ಚಪಲಕೆ ಬಲಿಯಾಗುವೆಯಾ
ಶ್ರೀಮತಿ ಎನಿಸಿ ಮತಿ ನೀಗುವೆಯಾ? ||1||


ಧರ್ಮದ ಸೇವಕಿ ನೀನಾಗುವೆಯೋ
ನರಕದ ನಾಯಕಿ ನೀನೆನಿಸುವೆಯೋ

ಕಾರ್ಕೋಟಕ ವಿಷ ನೀ ಭರಿಸುವೆಯಾ

ಅಮೃತ ವಾಹಿನಿ ನೀನಾಗುವೆಯಾ? ||2||


ವಿನಾಶದ ಸುಳಿಗೆ ಸಿಲುಕದೆ ಬಾ
ವಿಷದ ಕೂಪಕೆ ಜಾರದೆ ಬಾ
ವಿವೇಕದ ಗಡಿಯ ಮೀರದೆ ಬಾ
ವಿವಾಹ ಜೀವನ ಪೂಜೆಗೆ ಬಾ ||3||